Tuesday, October 4, 2011

500

தமிழ் காமிக்ஸ் ரசிகர்களுக்கு ஜாலி ஜம்பரின் அன்பு கலந்த வணக்கங்கள். என்ன இது? 300 படம் போல 500 என்று ஏதாவது காமிக்ஸ் வந்து இருக்கிறதா என்று நினைக்க வேண்டாம். தமிழில் காமிக்ஸ் படிக்க முடியாத சோகத்தில் இன்று சென்னை வந்து, இங்கு இருக்கும் புத்தக கடல்களில் மூழ்கி திளைத்தபோது காணப்பெற்ற ஒரு காமிக்ஸ் பற்றிய புத்தகத்தை பற்றிய பதிவே இது. புத்தகத்தை வாங்கி விட்டேன். கைவசம் ஸ்கான்னர் இல்லாத காரணத்தினால் வெறும் போட்டோக்களை மட்டுமே கொண்டுள்ளது இந்த பதிவு.

500 Great Comic Book Action Heroes Cover

டெக்ஸ் வில்லர்: நம்முடைய மனம் கவர்ந்த கவ்  பாய் ஹீரோ டெக்ஸ் வில்லர் இந்த புத்தகத்தில் இடம் பிடிக்க வில்லை என்றால் கண்டிப்பாக இந்த புத்தகத்தை நான் (கவுண்டமணி போல) அன்-செலக்ட் செய்து இருப்பேன். முதன்மையான ஐநூறு காமிக்ஸ் ஹீரோக்களில் டெக்ஸ் இல்லை என்றால் அந்த ஐநூறு ஹீரோக்களை செலக்ட் செய்தவருக்கு காமிக்ஸ் பற்றிய ஒரு முழுமையான புரிதல் இல்லை என்றே சொல்வேன். இதோ டெக்ஸ் வில்லரைப்பற்றிய இந்த புத்தக குறிப்புகள்:

500 Great Comic Book Action Heroes Tex Willer 1
500 Great Comic Book Action Heroes Tex Willer 2
500 Great Comic Book Action Heroes  Tex Willer 3
500 Great Comic Book Action Heroes Tex Willer 4

டேஞ்சர் டையபாலிக்: இந்த ஹீரோ தமிழில் ஒரே ஒரு கதையில் மட்டுமே வந்து இருந்தாலும் அவர் உலக அளவில் (குறைந்த பட்சம் இத்தாலி/பிரான்ஸ்) மிகவும் பிரபலம். இவரது ஒரே ஒரு கதை தமிழில் வந்து உள்ளது என்பதை அறிந்த இந்த காமிக்ஸ் ஹீரோவின் வெறியர்கள் அந்த புத்தகத்தை வாங்க துடியாய் துடித்தனர். எங்கள் ஊரை (மதுரை) சேர்ந்த ஒரு காமிக்ஸ் விற்பனனர் (இவருக்கும் சூப்பர் ஸ்டார் ரஜினி நடித்த பாட்ஷா படத்திற்கும் எந்த சம்பந்தமும் இல்லை) இந்த விடயத்தை கேள்விப்பட்டு மற்ற புத்தக ரசிகர்களிடம் இருந்து இந்த டேஞ்சர் டையபாலிக் புத்தகத்தை மட்டும் நைசாக பேசி (புத்தக மாற்று எக்ஸ்சேஞ் மூலம்) பல பிரதிகளை சேகரித்து அவற்றை ஐம்பதாயிரம் ருபாய் வரை விற்றதாக தகவல். இது தவறாகவும் இருக்கலாம், ஏனென்றால் இந்த மதுரை விற்பன்னரின் வளர்ச்சி பிடிக்காத தமிழ் கடவுள் பெயர் கொண்ட மற்றொரு புத்தக விற்பன்னர் (இவர் இந்த பீல்டில் fruit தின்று seed போட்டவர்) என்னிடம் கூறிய தகவல் இது.

தமிழில் வந்த இந்த ஹீரோவை பற்றிய ஒரு சுவையான காமிக்ஸ் இல்லாத பதிவுக்கு இங்கே கிளிக் செய்யவும்: டேன்ஜர் டையபாலிக் - லயன் காமிக்ஸ் அறிமுகம் செய்து வைத்த அற்புத ஹீரோ

500 Great Comic Book Action Heroes Danger Diabolik 1
500 Great Comic Book Action Heroes Danger Diabolik

அடுத்த படியாக தமிழ் காமிக்ஸ் உலகின் பல ஹீரோக்களை பற்றி தகவல் அளித்துள்ளார் இந்த புத்தக ஆசிரியர். ஜேம்ஸ் பான்ட், மாடஸ்டி, கார்த், காரிகன், மாண்டிரிக் (அடங்கொய்யால, ராணி காமிக்ஸ் இதழில் அவர் பெயர் அப்படித்தான் வரும்) என்று பலரைப்பற்றிய தகவல் கொண்ட சிறந்ததொரு குறிப்பேடாக இந்த புத்தகம் அமைந்துள்ளது.

500 Great Comic Book Action Heroes James Bond, Mandrake
500 Great Comic Book Action Heroes Modesty Blaise, Phil Corrigan

இந்த பதிவை இடுவதற்கு எதுவாக டையபாலிக் பற்றிய தகவல் இருக்கும் பக்கத்த்தில் தன்னுடைய கட்டை விரலை கொடுத்து புகைப்படம் எடுக்க ஏதுவாக இருந்த தமிழ் காமிக்ஸ் ரசிகர்களின் அணில் நண்பர் சுந்தர் அவர்களுக்கு நன்றி.

Blog Widget by LinkWithin